E-paper   |   Sitemap   |   RSS
எழுத்தின் அளவு: A+ A-
"சமயம் வளர்த்த தமிழ்' கருத்தரங்கு
ஜூன் 25,2010,08:14

கோவை :  உலகத் தமிழ்ச் செம்மொழி மாநாடு வளாகத்தில் நேற்று மாலை "சமயம் வளர்த்த தமிழ்' கருத்தரங்கு நடந்தது.
நிகழ்ச்சியில், சாந்தலிங்க ராமசாமி அடிகள் தலைமை வகித்து பேசியதாவது: பழமையான, உயர்வான மொழி தமிழ் மொழி.கொங்கு நாடு மிகச் சிறந்த பண்பாடு கொண்ட நாடு. தலை சிறந்த புலவர்கள், அறிஞர்கள், சமய வழியில் தமிழை வளர்த்தவர்கள் வாழ்ந்த நாடு. கொங்கு நாடு மலை மற்றும் மலை சார்ந்த பகுதியான குறிஞ்சியை சேர்ந்தது. பழங்காலம் முதல் இப்பகுதி மக்கள் தெய்வபக்தியோடு வாழ்ந்தனர் என்பதை சமய நூல்கள் எடுத்துரைக்கிறது.  6ம் நூற்றாண்டு முதல் 12ம் நூற்றாண்டு வரை இலக்கிய காலம் ஆகும். இனி வரும் காலங்களில் கோவில் கும்பாபிஷேகம் உள்ளிட்ட அனைத்து நிகழ்ச்சிகள், திருமணம் உள்ளிட்ட நிகழ்ச்சிகள் அனைத்தும் தமிழ் மொழியில் நடத்த அனைவரும் முயற்சி மேற்கொள்ள வேண்டும். எங்கும் தமிழ், எதிலும் தமிழ், எல்லாம் தமிழ், என்பதை வலியுறுத்த உலகத் தமிழ்ச் செம்மொழி மாநாடு உதவும். இவ்வாறு, சாந்தலிங்க ராமசாமி அடிகள் பேசினார்.
பேராயர் சின்னப்பா பேசியதாவது: கோவையில் நடக்கும் உலகத் தமிழ்ச் செம்மொழி மாநாடு, தொன்மை மற்றும் பழமை வாய்ந்த மொழியான தமிழ் மொழிக்கு பெருமை சேர்க்கும் விழா. இதன் மூலம் உலகளவில் செம்மொழியாக திகழும் தமிழ் மொழி கொண்டுள்ள பெருமை குறித்து உலக மக்கள் அனைவருக்கும் உணர்த்த முடியும். திராவிட மொழிகளில் பழமையானது தமிழ் மொழி. மொழிகளில் வணிகத்துக்கு-ஆங்கிலம், இசைக்கு-கிரேக்கம்,  சட்டத்துக்கு-லத்தீன், தத்துவத்துக்கு-ஜெர்மன், காதலுக்கு- இத்தாலி என உள்ள நிலையில் தமிழ் மொழி-பக்தியை அடிப்படையாக கொண்டுள்ளது. இவ்வாறு, சின்னப்பா பேசினார்.
"சைவம்' குறித்து சாரதா நம்பி ஆரூரான் பேசுகையில் ""சைவ இலக்கியங்கள் சமுதாய முன்னேற்றத்துக்கு பாடுபட வேண்டும் என்பதை எடுத்துரைக்கின்றன. உதயசூரியன் குறித்து முதலில் பாடியவர் நக்கீரர். சைவ இலக்கியங்கள் சிவனை அடிப்படையாக கொண்டது. நமச்சிவாயம் என்றால் அருள் பெறலாம்'' என்றார்.
"சமணம்' குறித்து ஸ்ரீபால் பேசுகையில்""வாழ்க்கையில் அனைவரும் தங்களது ஆன்மவை தூய்øயாக வைத்துக்கொள்ள வேண்டியது அவசியம். சமணத்தை தவிர்த்தால் தமிழ் இல்லை. தமிழ்மொழியும், சமணமும் ஒன்றோடு ஒன்று இணைந்தது. தொன்மையான மொழியாக திகழும் தமிழ் மொழியின் வளர்ச்சியில் சமணத்தின் பங்கு அதிகம் உள்ளது'' என்றார்.
"வைணவம்' குறித்து பேராசிரியர் ஞானசுந்தரம் பேசுகையில்"" மற்றவர்கள் படும் துன்பம் கண்டு கவலைப்படும் குணம் கொண்டவர்கள் வைணவர்கள். வைணவம் வளர்ச்சியில் ஆழ்வார்கள், ஆச்சார்யார்கள் மற்றும் உரையாசிரியர்கள் பங்களிப்பு அதிகம் உள்ளது. தமிழும்,வைணவமும் வேறல்ல'' என்றார்.
"கிறித்துவம்' குறித்து அமுதன் அடிகள் பேசுகையில்"" செம்மொழியான தமிழ் மொழி வளர கிறித்துவர்கள் அக்காலத்திலேயே பேச்சு தமிழ் இலக்கணத்தை வகுத்து செயல்பட்டார்கள். தமிழ் மொழி வளர்ச்சியில்  கிறித்துவம் முக்கிய பங்கு வகிக்கிறது'' என்றார்.
"இஸ்லாம்' குறித்து பேராசிரியர் காதர் மொகிதீன் பேசுகையில்"" கடல் வழியாக வந்தது இஸ்லாம். தமிழ் மொழியின் வளர்ச்சியில் இஸ்லாம் அறிஞர்கள் பங்களிப்பு உள்ளது. இயல், இசை, நாடகத்தில் துவங்கி சமயத்தமிழ், அறிவியல் தமிழ், கம்ப்யூட்டர் தமிழ் வரை தமிழ்மொழியின் வளர்ச்சியில் இவர்களது பங்களிப்பு இன்றும் தொடர்கிறது'' என்றார்.

வாசகர் கருத்து (9)
sadiq dubai,இந்தியா
2010-07-11 18:00:28 IST
தமிழ் இஸ்லாமிய தமிழ் பாடல்கள் தமிழின் இலக்கண இலக்கிய மரபினை கூறுகிறது உமறு புலவர் பீர்மொகமது அப்பாவின் ஞான புகழ்சி ஞானியார் அப்பாவின் பாடல்கள் குணங்குடி அப்பாவின் பாடல்கள் சடகடுள்ள அப்பாவின் பாடல்கள் உள்ளன ...
நீல.வரதராஜன் புதுசெர்ரி,இந்தியா
2010-06-28 06:13:07 IST
எதோ பெயரளவில் உள்ளது ஆன்மீக அரங்கம் நீல.வரதராஜன் ...
கே.ஷமீம் தமாம்,செனகல்
2010-06-26 20:20:45 IST
விஜயகுமார் அற்புதமாக தன்னுடைய கருத்தை பதிவு செய்துள்ளார் அவருக்கு என்னுடைய வாழ்த்துக்கள் தொடரட்டும் அவர் நற்கருத்து ...
elanko singapore,ஸ்லேவாக்கியா
2010-06-26 09:08:14 IST
மிக்க மகிழ்ச்சி வாழ்க தமிழ் ...
கே.வினோத் கோயம்புத்தூர்,இந்தியா
2010-06-25 20:58:38 IST
இறைவன் காதல் ஸ்வரூபம் !!! அவன் அன்பே உருவானவன் !!! மனிதனாய் பிறந்த எல்லோரும் இப்பிறவியில் முயற்சியினால் தெய்வமாகவே படைய்கப்பட்டோம் !!! அதுவே நம் வாழ்வின் குறிக்கோள் !!! முயற்சியுடையார் இகழ்ச்சியடையார் !!! ஆகவே முயற்சியுங்கள் !!! நீங்களும் இறை நிலையை அடையலாம் !!! உங்களுக்கு தமிழ் துணை நிற்கும் !!! வாழ்க தமிழ் !!! வாழ்க சிவன் அருள் !!! வாழ்க கந்தன் அருள் !!!...
கே. வினோத் coimbatore,இந்தியா
2010-06-25 20:38:27 IST
தந்தை தெய்வம் !!! தாய் தெய்வம் !!! குரு தெய்வம் !!! தமிழ் தெய்வம் !!! ஓம் நமச்சிவாய !!! ஓம் முருகா !!!...
பிரம்மச்சாரி வ.செல்வராஜ் பொன்னூர் village,இந்தியா
2010-06-25 16:13:23 IST
samanam oldieast religen in india but digamber jain populiation very low why fllow is difficult same time very good mind think as come to your mind so please all of welcome fllow jain dharm very thanks by tamil dinamalar news paper preyar to manthera no end of your service to tamil salult of your service...
பத்மலதா Bangalore,இந்தியா
2010-06-25 13:34:48 IST
ஆன்மிக தமிழ் பற்றிய கருத்தரங்கு இன்னும் சிறப்பாக அமைந்திருக்க வேண்டும். நாயன்மார்கள் மற்றும் ஆழ்வார்கள் பற்றிய கருத்துக்கள் மற்றும் அவ்விlaக்கியங்களை பற்றிய தனி கருத்தரங்கங்கள் இடம் பெற்றிருக்கவேண்டும். அது நம் தமிழ் மொழின் சிறப்பை எடுதுக்கடுவதாக அமைந்திருக்கும்...
விஜயகுமார் naa chennai,இந்தியா
2010-06-25 12:40:27 IST
எல்லா மொழிகளும் சமயத்தை வளர்த்தன. ஹிப்ரு என்ற மொழியில் தான் விவிலியம் எழுதப்பட்டது - கிறித்தவ வேதம் அரேபியா மொழியில் தான் குர்-ஆண் எழுதப்பட்டது - இசுலாமிய சமய நூல். ஒவ்வொரு நாட்டிலும் உள்ள மக்கள் ஒரே சமயத்தினை பின்பற்றுபவர்களாக இருந்தனர். ஒரே மொழியினை பேசுபவர்களாகவும் இருந்தனர். எனவே சமய வளர்ச்சியில் மொழியின் பங்கு மிகவும் குறைவு. ஆனால் இந்திய மக்களில் குறிப்பாக தமிழ் நாட்டில் ஒரேமொழியினை பேசினாலும் பல்வேறு சமயத்தினை சார்ந்து வாழ்கிறார்கள். எனவே தமிழ் மொழி எல்லா சமயத்தினருக்கும் பாலமாகவும், எல்லா சமய வளர்ச்சிக்கும் அடிப்படையாகவும் இருக்கிறது. வீரமா முனிவரின் - இரட்சணிய யாத்ரிகம் உமறுப்புலவரின் - சீறாப்புராணம் கம்பனின் - ராமாயணம் மூவரின் - தேவாரம் மணிவாசகரின் - திருவாசகம் ஆழ்வார்களின் - நாலாயிர திவ்ய பிரபந்தம் மற்றும் புத்த, சமண காப்பியங்களான சிலப்பதிகாரம், மணிமேகலை, சிந்தாமணி, வளையாபதி, குண்டலகேசி முதலியவைகளால் தமிழ், சமயத்தினை மெருகேற்றி உலக மக்களின் உள்ளத்தில் நீங்கா இடம் பெற்றது என்றால் அது மிகையாகது....

உங்கள் கருத்தை பதிவு செய்ய
பெயர்  :
மின்னஞ்சல் :
இடம் (அ) நகரம்  :
நாடு :
உங்கள் கருத்து :
(Press Ctrl+g or click this   to toggle between English and Tamil)
 
சற்றுமுன்...
அதிகம்...
Home தினமலர் முதல் பக்கம் »